Nyt fiiraama pääsiäistä!
Mitäs tekemistä sie keksit? Piiain hihtomista? Hyän kirjan lukemista?
Täälä Polarbibblossa oon jännä quizzi, kilpailuja ja muuta hauskaa!
Pääsiäisbingo
Pellaa meän pääsiäisbingoa! Kirjota ulos / tulosta bingopaperi ja laita rasti ruuthuin ko sie olet tehny tehtävän. Sie olet saanu bingon ko sie olet rastinu neljä ruutua peräkkäin eli neljä ruutua vitheeseeen (vino linja kulmasta kulhmaan) Lykkyä tykö!
Aukase ja kirjota ulos pääsiäisbingo!
Räknää pääsiäismunia
Räknää kunka monta pääsiäismunnaa löytyy kuvasta ja lähetä meile vastaus! Jos olet vastannu oikein sie saatat voittaa meän pehmeän Polarbibblo pöllön.
Pääsiäisquizzi
Halvaaks testata mitä tiät pääsiäisestä? Meiläpä oon quizzi sulle!
Pellaa meän pääsiäismuistipeliä
Meilä oon kaks eri muistipeliä! Ensimäisessä oon munia ja sie yhistät samanlaiset munat. Muistipelin nimi oon munamuistipeli.
Toisen muistipelin teema oon pääsiäinen. Valitte jos halvaat pelata vain sanoila, sanoila ja kuvila eli vain kuvila. Freistaa tehä uusi ennätys!
Pääsiäismuistipeli löytyy tästä
Färitä pääsiäiskuva
Halvaaks riitata? Meilä oon kuva jonka saatat färittää. Kuvassa kielielläimet fiiraavat pääsiäistä. Eikö olekki hauska?
Koristele pääsiäisrisu Polarbibblon kielielläimilä
Onko sulla pääsiäisrisua kotona? Pane kielielläimet siihen roikkuhmaan! Klikkaa kuvia niin net isonevat. Kuvan saatat kopieerata paperile. Leikkaa elläin, tehe siihen reikä ja laita naru reijjästä läpi. Valmis!
Polarbibblo toivoo sulle hauskaa pääsiäistä!